【🌏與時並進，新時代教育👨🏻‍🏫 - 老師工作坊 :數學建模 教學指引 及 評核💯 完滿結束】

世界一直在變，教育方式亦隨之不停演變，希望下一代能夠 理論💭、應用🔧、溝通🗣️ 等等能力兼備，教育已經由過往單純背誦考試📝，逐漸講求綜合能力嘅培養💡。

有見及此，同時希望推廣「數學建模」作為新一代學子嘅必要技能，過去嘅12月14及15日，我哋邀請到 香港大學 工業及工程學系郭永鴻 博士 ，為老師👩🏻‍🏫主持一個題為「數學建模教學指引 及 評核」嘅 工作坊。場地由香港理工大學提供。

工作坊當日，郭博士 首先講解何為「數學建模」，郭博士利用自己嘅研究同其他例子，指出數學建模、數學模型嘅用處同價值。另外亦提及「數學建模」與香港傳統數學教育模式嘅不同之處，仲有數學建模能夠帶畀學生嘅體驗，例如學生可以由建模過程中掌握寫論文📑同做匯報📊嘅技巧、亦可以透過團隊合作學習如何同其他人合作。🤝

然後郭博士向老師介紹一些數學建模嘅教學資源📚，更加利用IMMC 參考教材同過往賽題「Movie Scheduling」🎥作為例子，給予老師時間去嘗試建模，令老師可以體驗建模過程，切身感受學生會面對嘅困難。同時郭博士與出席老師討論「老師」喺指導過程中扮演嘅角色及引導學生嘅方法，黠樣以問題去帶領學生思考💭，課程中加入建模內容等等。希望藉此對往後嘅教學同指導中能發揮更好嘅效果。💪

最後郭博士向老師講解學生作品嘅評核準則🔍。博士同樣以"Movie Scheduling" 嘅得獎論文🎖️及評審感想做例子，講解一份論文需要包含嘅要點，同時係IMMC賽事評判會注意嘅地方。例如 內容撮要(Executive Summary)、假設(Assumption(s))、靈敏度分析(Sensitivity Analysis(es)) 等等。

🤗在此感謝郭博士從忙碌嘅工作中抽空為我哋主持工作坊，亦感謝出席嘅老師，亦再次向香港理工大學應用數學系作為Project Co-organizer 提供場地。🙏